Profesori i gazetarisë, drejtues i një prej emisioneve kryesore në Televizionin Publik Shqiptar, Lutfi Dervishi, u kërkon autoriteteve lirimin e menjëhershëm të 25 vjeçares Xhulia Aliaj, raporton newsbomb.al.
Kjo e fundit, sipas njoftimit të policisë u arrestua paraditen e sotme, në flagrancë sipas uniformave blu nën akuzën e përhapjes së panikut.
Xhulia kishte shkruar një status në rrjetet sociale ku thoshte se kishte rrezik plasjeje depozitash në Porto Romano, ndaj banorët duhet të iknin nga qyteti i Durrësit, raporton newsbomb.al.
Por gazetari Dervishi thotë se sa më gjatë e mbajnë të arrestuar Xhulian, aq më i madh bëhet absurdi. Ndërsa shton se duhet liruar menjëherë, thotë se nëse do të merreshin me statuse facebook-u, ka shumë në rrjet që duhet të ishin varur, dhe këtë Lutfi Dervishi e shkruan në mënyrë ironike.
Shkruan Lutfi Dervishi:
Xhulia Aliaj është ndaluar nga policia për një postim në facebook që përhap panik.
Nëse do të përdoret i njëjti kriter secili prej nesh duhesh varur disa herë në ditë në mes të pazarit!
E shumta që mund të bënte policia vigjilente është raportimi në facebook i statusit. Kaq.
Sa më shumë vonohet lirimi saj aq më i madh bëhet absurdi!